நீட் மறுதேர்வு கோரிய மேல்முறையீட்டு மனுக்கள் தள்ளுபடி

உயர்நீதிமன்றம் உத்தரவு

- 

சென்னை, ஜூலை 3: நீட் தேர்வின் போது மின்தடையால் பாதிக்கப்பட்டதாகக் கூறி, மறுதேர்வு நடத்தக் கோரிய மேல்முறையீட்டு மனுக்களைத் தள்ளுபடி செய்து சென்னை உயர்நீதிமன்றம் உத்தரவிட்டது.

இளநிலை மருத்துவப் படிப்புக் கான நீட் தேர்வு, நாடு முழுவதும் கடந்த மே 4-ஆம் தேதி நடத்தப்பட்டது. சென்னையில் அன்றைய தினம் பெய்த பலத்த மழை காரணமாக மின்சாரம் துண்டிக்கப்பட்டது. இதனால் தங்களால் சரியாக தேர்வு எழுத முடியவில்லை என்பதால் மறுதேர்வு நடத்த உத்தரவிடக் கோரி, ஆவடி கேந்திரிய வித்யாலயா பள்ளி மையத்தில் தேர்வு எழுதிய 13 மாணவர்கள் உள்ளிட்ட 16 பேர் சென்னை உயர்நீதிமன்றத்தில் மனு தாக்கல் செய்தனர்.