பஹல்காம் தாக்குதலுக்கு 'க்வாட்' கூட்டமைப்பு கண்டனம்

பாகிஸ்தான் பயங்கரவாதிகளால் 26 பேர் கொல்லப்பட்ட பஹல்காம் பயங்கரவாதத் தாக்குதலுக்கு 'க்வாட்' கூட்டமைப்பு கடும் கண்டனம் தெரிவித்தது.

- 

வாஷிங்டன், ஜூலை 2:

மேலும், இந்தத் தாக்குதலுக்கு காரணமானவர்கள் மற்றும் நிதியுதவி செய்தவர்கள் உடனடியாக நீதியின் முன் நிறுத்தப்பட வேண்டும் என்றும், ஐ.நா. உறுப்பு நாடுகள் அனைவரும் இதற்கு ஒத்துழைப்பை வழங்க வேண்டுமெனவும் கூட்டமைப்பு சார்பில் வலியுறுத்தப்பட்டது.

'க்வாட்' கூட்டமைப்பில் இந்தியா, அமெரிக்கா, ஆஸ்திரேலியா, ஜப்பான் ஆகிய 4 நாடுகள் இடம்பெற்றுள்ளன. இந்திய-பசிபிக் பிராந்தியத்தில் அமைதி, பாதுகாப்பு, ஸ்திரத்தன்மை ஆகியவை நிலவ வேண்டும் என்பதில் இந்தக் கூட்டமைப்பு பெரிதும் கவனம் செலுத்தி வருகிறது.

நிகழாண்டு இறுதியில் இந்தியாவில் நடைபெறவிருக்கும் க்வாட் உச்சிமாநாட்டுக்கான ஆயத்தமாக, உறுப்பு நாடுகளின் வெளியுறவு அமைச்சர்களின் கூட்டம் அமெரிக்க தலைநகர் வாஷிங்டனில் செவ்வாய்க்கிழமை நடைபெற்றது. அமெரிக்க வெளியுறவு அமைச்சர் மார்கோ ரூபியோ விடுத்த அழைப்பை ஏற்று, அமைச்சர்கள் ஜெய்சங்கர் (இந்தியா), பென்னி வாங் (ஆஸ்திரேலியா), டகேஷி இவயா (ஜப்பான்) ஆகியோர் கலந்துகொண்டனர்.