மேட்டூர் அணை நீர்மட்டம் 118 அடியாக உயர்வு

காவிரி கரையோர மக்களுக்கு வெள்ள அபாய எச்சரிக்கை

- 

மேட்டூர், ஜூன் 28: மேட்டூர் அணையின் நீர்மட்டம் சனிக்கிழமை 117.93 அடியாக உயர்ந்தது. இதையடுத்து அணையிலிருந்து அதிக அளவில் தண்ணீர் திறக்கப்படவுள்ளதால் காவிரி கரையோர பகுதி மக்களுக்கு வெள்ள அபாய எச்சரிக்கை விடுக்கப்பட்டுள்ளது.

கர்நாடக மாநிலத்திலுள்ள கபினி அணை, கிருஷ்ணராஜ சாகர் அணைக்கு நீர்வரத்து அதிகரித்துள்ளது. இதையடுத்து உபரிநீர் காவிரி ஆற்றில் திறந்துவிடப்படுவதால் அணைக்கு நீர்வரத்து அதிகரித்து நீர்மட்டம் சனிக்கிழமை மாலை 117.93 அடியாக உயர்ந்தது. அணையிலிருந்து காவிரி டெல்டா பாசனத்துக்கு விநாடிக்கு 26,000 கனஅடி வீதம் தண்ணீர் திறக்கப்பட்டு வருகிறது.