மண் ஏற்றிச் செல்லும் லாரிகளால் பொதுமக்கள் அவதி

புதுக்கோட்டை நகர் முழுவதும் மூடப்படாத நிலையில் ஜல்லி, எம். சாண்ட் உள்ளிட்டவற்றை ஏற்றிச் செல்லும் லாரிகளில் இருந்து சாலையில் சிதறும் மண் துகள்களால் பொதுமக்கள் மிகுந்த அவதிக்குள்ளாகின்றனர்.

- 

புதுக்கோட்டை, ஜூன் 17:

புதுக்கோட்டை மாவட்டத்தில் குவாரிகள் மற்றும் கிரஷர்களில் உற்பத்தியாகும் ஜல்லி, எம். சாண்ட், பி. சாண்ட் உள்ளிட்டவை மாவட்டத்துக்குள்ளும் வெளிமாவட்டங்களுக்கும் எடுத்துச் செல்லப்படுகின்றன. எந்த நேரமும் இந்த லாரிகளை அனைத்துச் சாலைகளிலும் காண முடியும். அவ்வாறு செல்லும் லாரிகளில் இருந்து மண் துகள்கள் காற்றால் பறந்து வீதியெங்கும் வீசப்படுகிறது.

இதனால் சாலைகளில் பயணிக்கும் இருசக்கர வாகனம் உள்ளிட்ட வாகன ஓட்டிகளும் பொதுமக்களும் பெருமளவில் பாதிக்கப்படுகின்றனர். காற்றில் பறந்து சாலை ஓரங்களிலும் தேங்கும் மண் துகள்களால் வாகனங்கள் கட்டுப்பாட்டை இழந்து விபத்துக்குள்ளாகும் நிலையும் ஏற்படுகிறது.