ஹிந்துக்களுக்கு எதிரான ஆயுதமாகும் மாட்டிறைச்சி

அஸ்ஸாமில் கடந்த வாரம் பக்ரீத் கொண்டாட்டத்துக்குப் பிறகு பொது இடங்களில் மாட்டிறைச்சித் துண்டுகள் வீசப்பட்டன. ஹிந்துக்களுக்கு எதிரான ஆயுதமாக மாட்டிறைச்சி பயன்படுத்தப்படுகிறது என்று மாநில முதல்வர் ஹிமந்த விஸ்வ சர்மா குற்றஞ்சாட்டினார்.

- 

குவாஹாட்டி, ஜூன் 10:

குவாஹாட்டியில் மாநில பாஜக அலுவலகத்தில் செய்தியாளர்களைச் சந்தித்த அவர் இதுகுறித்து மேலும் கூறியதாவது: ஹிந்துக்கள் அதிகமாகவுள்ள சமூகத்தில் முன்பு வசித்த முஸ்லிம்கள், எந்தப் பிரச்னையும் ஏற்படுத்திவிடக் கூடாது என்று கவனமாக இருந்தனர். மாட்டிறைச்சி சாப்பிட வேண்டும் என்றாலும் முஸ்லிம்கள் பெரும்பான்மையாக வசிக்கும் பகுதிக்கு செல்வார்கள்.

ஆனால் இப்போது, எஞ்சிய மாட்டிறைச்சி கழிவுகளை அந்தப் பகுதியிலேயே அவர்கள் வீசுகின்றனர். இதனால் ஹிந்துக்கள் அந்த இடத்தைவிட்டு வெளியேற வேண்டிய அளவுக்கு சூழல் மாறியுள்ளது.