தமிழக அரசு சூழலியல் நீதிக்கான அரசாகவும் விளங்கும்

தமிழக அரசு சமூக நீதிக்கான அரசாக மட்டுமன்றி, சூழலியல் நீதிக்கான அரசாகவும் இருக்கும்; அதற்கு மக்கள் துணை நிற்க வேண்டும் என்று முதல்வர் மு.க.ஸ்டாலின் கூறினார்.

- 

சென்னை, ஜூன் 5:

சென்னையில் வியாழக்கிழமை நடைபெற்ற உலக சுற்றுச்சூழல் தின விழாவில் முதல்வர் மு.க.ஸ்டாலின் பேசியதாவது:

இந்தியாவிலேயே சுற்றுச்சூழல் பாதுகாப்புக்காக வேறு எந்த மாநிலத்திலும் இத்தனை இயக்கங்களோ, திட்டங்களோ இல்லை. அந்த அளவுக்கு தமிழகத்தில் கடந்த நான்கு ஆண்டுகளில் தொலைநோக்குடன் பல முன்னெடுப்புகளை செயல்படுத்திக் கொண்டு வருகிறோம். தமிழ்நாடு பசுமை இயக்கம் மூலம் 10 கோடிக்கும் அதிகமான மரக்கன்றுகளை நட்டு வனப்பரப்பை அதிகரித்துள்ளோம்.

தமிழ்நாடு ஈரநிலம் இயக்கம் தொடங்கி, இந்தியாவிலேயே அதிகபட்சமாக ‘ராம்சர்’ அங்கீகாரம் பெற்ற 21 ஈரநிலங்கள் கொண்ட மாநிலம் தமிழ்நாடு என்று சாதனை படைத்துள்ளோம். தமிழ்நாடு காலநிலை மாற்றத் திட்டம், தமிழ்நாடு நெய்தல் மீட்சி திட்டம் ஆகிய தனித்துவமான திட்டங்களைச் செயல்படுத்தி வருகிறோம்.

கிரேட்டர் ஃபிளமிங்கோ: