உதவிப் பேராசிரியர் மீதான பாலியல் புகார் விசாகா குழு அறிக்கை தாக்கல் செய்ய உத்தரவு

திருநெல்வேலி மனோன்மணீயம் சுந்தரனார் பல்கலைக்கழக உதவிப் பேராசிரியர் மீதான பாலியல் புகார் வழக்கில் விசாகா குழு அறிக்கை தாக்கல் செய்ய சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, ஜூன் 5:

திருநெல்வேலி மாவட்டத்தைச் சேர்ந்த இளம்பெண் ஒருவர் சென்னை உயர்நீதிமன்ற மதுரை அமர்வில் தாக்கல் செய்த மனு:

மனோன்மணீயம் சுந்தரனார் பல்கலைக்கழகத்தில் கடந்த 2012 முதல் 2015-ஆம் ஆண்டு வரை படித்தேன். அப்போது, வரலாற்றுத்துறை உதவிப் பேராசிரியராகப் பணிபுரிந்த ஒருவர், மாணவிகளிடம் தவறான முறையில் பேசுவது, உடல் அசைவுகளை வெளிப்படுத்துவது போன்ற பாலியல் தொல்லை அளித்தார். இதுகுறித்து கடந்த 2015-ஆம் ஆண்டு பாதிக்கப்பட்ட மாணவிகள் பல்கலைக்கழக அதிகாரிகளிடம் புகார் மனு அளித்தனர்.