தீவிரமடையும் வெயில் 1-5 வகுப்புகளுக்கு தேர்வுத் தேதிகள் மாற்றம்

கோடை வெயிலின் தாக்கம் தீவிரமடைந்து வருவதைக் கருத்தில் கொண்டு 1 முதல் 5-ஆம் வகுப்பு வரையிலான மாணவர்களுக்கு பள்ளி இறுதித் தேர்வை முன்கூட்டியே நிறைவு செய்யும் வகையில் திருத்தப்பட்ட தேர்வு அட்டவணையை பள்ளிக் கல்வித் துறை வெளியிட்டுள்ளது.

- 

சென்னை, மார்ச் 30:

முன்னதாக, ஏப்.21-ஆம் தேதி வரை தேர்வுகள் நடைபெறும் என அறிவிக்கப்பட்டிருந்த நிலையில், தற்போது அது ஏப்ரல் 17-ஆம் தேதியுடன் நிறைவடையும் வகையில் மாற்றியமைக்கப்பட்டுள்ளது.

தமிழக பள்ளிக் கல்வி பாடத்திட்டத்தில் பிளஸ் 1 மற்றும் பிளஸ் 2 வகுப்பு மாணவர்களுக்கான பொதுத் தேர்வு கடந்த மார்ச் 3 முதல் 27-ஆம் தேதி வரை நடைபெற்றது.