‘பராசக்தி’ திரைப்படத்தை வெளியிட தடை கோரிய வழக்கு: இயக்குநர், தயாரிப்பாளர் பதிலளிக்க உத்தரவு

நடிகர் சிவகார்த்திகேயன் நடிப்பில் வெளியாகவுள்ள 'பராசக்தி' திரைப்படத்துக்கு தடை கோரிய வழக்கில், அப்படத்தின் இயக்குநர் சுதா கொங்கரா, தயாரிப்பாளர் ஆகாஷ் பாஸ்கரன் ஆகியோர் பதிலளிக்க சென்னை உயர்நீதிமன்றம் உத்தரவிட்டது.

- 

திரைப்பட இயக்குநர் வருண் ராஜேந்திரன் என்பவர் சென்னை உயர்நீதிமன்றத்தில் தாக்கல் செய்த மனுவில், சிவகார்த்திகேயன் நடித்துள்ள 'பராசக்தி' திரைப்படத்தை இயக்குநர் சுதா கொங்கரா இயக்கியுள்ளார். இந்தித் திணிப்பை எதிர்த்து 1965-ஆம் ஆண்டு நடந்த மொழிப்போரை மையமாக வைத்து 'செம்மொழி' என்ற கதையை எழுதினேன்.

இந்த கதையை 2010-ஆம் ஆண்டு தென்னிந்திய திரைப்பட எழுத்தாளர் சங்கத்தில் பதிவு செய்தேன். முன்னாள் முதல்வர் கருணாநிதியின் ‘பெண் சிங்கம்' படத்தில் உதவி இயக்குநராக பணியாற்றினேன். அப்போது 'செம்மொழி' படத்தின் கதையை அவரிடம் கூறி திரைக்கதை, வசனம் எழுத கேட்டுக் கொண்டேன். உடல்நலக் குறைவு காரணமாக ஓய்வு எடுப்பதால், என்னையே எழுதும்படி அவர் கூறினார்.