மோசடி வழக்கில் 2 ஆண்டு சிறைத் தண்டனை: மகாராஷ்டிர அமைச்சர் ராஜிநாமா

மோசடி வழக்கில் 2 ஆண்டுகள் சிறைத் தண்டனை பெற்ற மகாராஷ்டிர அமைச்சர் மாணிக்ராவ் கோகடே தனது பதவியை ராஜினாமா செய்தார்.

- 

தேசியவாத காங்கிரஸ் கட்சியைச் சேர்ந்த அவர் மாநில விளையாட்டு மற்றும் இளைஞர் நலன், சிறுபான்மையினர் மேம்பாடு ஆகிய துறைகளின் அமைச்சராக இருந்த நிலையில், அவர் தனது பதவியை புதன்கிழமை ராஜினாமா செய்ததாக அக்கட்சித் தலைவரும் துணை முதல்வருமான அஜீத் பவார் வியாழக்கிழமை வெளியிட்ட செய்திக் குறிப்பில் தெரிவிக்கப்பட்டது.

மேலும், 'கோகடே சமர்ப்பித்த ராஜினாமா கடிதம் ஏற்றுக்கொள்ளப்பட்டது. அரசமைப்புச் சட்ட நடைமுறைகளின்படி அடுத்தகட்ட நடவடிக்கைக்காக முதல்வர் தேவேந்திர ஃபட்னவீஸூக்கு அனுப்பி வைக்கப்படுகிறது' என அதில் தெரிவிக்கப்பட்டது.