ஆகஸ்ட் 22-இல் அரசு அலுவலகங்கள் முன் ஆர்ப்பாட்டம்: அரசு ஊழியர்கள் சங்கம் தீர்மானம்

அரசு ஊழியர்களின் கோரிக்கைகளை வலியுறுத்தி, தமிழ்நாடு அரசு ஊழியர்கள் சங்கம் சார்பில் வருகிற 22-ஆம் தேதி மாநில அளவில் அரசு அலுவலகங்கள் முன் ஆர்ப்பாட்டம் நடத்துவதென சங்கத்தின் மாநில பேரவைக் கூட்டத்தில் தீர்மானம் நிறைவேற்றப்பட்டது.

- 

மதுரை, ஆக. 9:

தமிழ்நாடு அரசு ஊழியர்கள் சங்கத்தின் இரண்டாவது மாநில பிரதிநிதித்துவ பேரவைக் கூட்டம், மதுரை அவனியாபுரத்தில் சனிக்கிழமை நடைபெற்றது. இதற்கு சங்கத்தின் மாநிலத் தலைவர் சு. தமிழ்ச்செல்வி தலைமை வகித்தார். முன்னாள் மாநிலத் தலைவர் ரா. தமிழ்ச்செல்வி தொடக்கவுரை யாற்றினார்.

பொதுச் செயலர் சு.ஜெயராஜ ராஜேஸ்வரன், பொருளாளர் ரா. பாலசுப்பிரமணியன், தமிழ்நாடு ஓய்வு பெற்ற அரசு ஊழியர்கள் சங்கத்தின் மதிப்புறு தலைவர் கே.கங்காதரன், அரசு ஊழியர்கள் சங்க மாநிலத் துணைத் தலைவர் ஆ. நூர்ஜஹான் உள்ளிட்டோர் பேசினர்.