உக்ரைனுடன் அமைதி ஒப்பந்தம்: ரஷியாவுக்கு டிரம்ப் புதிய கெடு

உக்ரைனுடான போரை முடிவுக்குக் கொண்டுவருவதற்கான ஒப்பந்தத்தை மேற்கொள்ள ரஷியாவுக்கு அளித்திருந்த 50 நாள் அவகாசத்தை அமெரிக்க அதிபர் டிரம்ப் பாதியாகக் குறைத்து, புதிய கெடுவை அறிவித்துள்ளார்.

- 

லண்டன், ஜூலை 28:

பிரிட்டன் வந்துள்ள அவர், அந்த நாட்டுப் பிரதமர் கியர் ஸ்டார்மருடன் டர்ன்பெர்ரி நகரில் உள்ள ஸ்காட்டிஷ் கோல்ஃப் கிளப்பில் செய்தியாளர்களை திங்கள்கிழமை சந்தித்தார்.

அப்போது அவர் கூறியதாவது: இன்னும் 10 அல்லது 12 நாட்களுக்குள் போரை முடிவுக்குக் கொண்டுவர ரஷியாவுக்கு புதிய கெடு விதிக்கப்படுகிறது. அதை மீறினால் ரஷியா மீது கடுமையான பொருளாதாரத் தடைகளையும், இரண்டாம் நிலை வரியாக 100 சதவீத கூடுதல் வரியையும் நான் விதிக்கலாம். வர்த்தகத்தை பலவற்றுக்கு பயன்படுத்துகிறேன். தற்போது போரை முடிவுக்குக் கொண்டுவருவதற்கும் அதைப் பயன்படுத்துகிறேன்.