இந்தியாவைத் தவிர எந்த நாட்டின் அரசமைப்புச் சட்ட முகவுரையும் மாற்றப்படவில்லை

அரசமைப்புச் சட்டத்தின் முகவுரை என்பது ஓர் வளரும் ஆவணத்தின் விதை போன்றது. அந்த வகையில், முகவுரை என்பது மாற்ற முடியாதது என்று குடியரசு துணைத் தலைவர் ஜகதீப் தன்கர் தெரிவித்தார்.

- 

புது தில்லி, ஜூன் 28:

மேலும், 'இந்தியாவைத் தவிர வேறு எந்தவொரு நாட்டின் அரசமைப்புச் சட்டத்தின் முகவுரையும் மாற்றத்துக்கு உள்ளாகவில்லை' என்றும் அவர் குறிப்பிட்டார்.

கடந்த 1975, ஜூன் 25-இல் அப்போதைய பிரதமர் இந்திரா காந்தியால் அவசரநிலை அமல்படுத்தப்பட்ட தினம், அரசமைப்பு படுகொலை தினமாக மத்திய அரசால் புதன்கிழமை அனுசரிக்கப்பட்டது.

இதையொட்டி தனது எக்ஸ் பக்கத்தில் பதிவிட்ட பிரதமர் நரேந்திர மோடி, 'இந்திய ஜனநாயக வரலாற்றில் இருண்ட அத்தியாயங்களில் ஒன்று அவசரநிலை; அந்தக் காலகட்டத்தில், அரசமைப்புச் சட்ட ஆன்மா மீறப்பட்ட விதத்தை இந்தியர்கள் ஒருபோதும் மறக்க மாட்டார்கள்' என்று குறிப்பிட்டார்.