மண் கொள்ளையைத் தடுக்கக் கோரி வழக்கு: மத்திய, மாநில அரசு அதிகாரிகள் பதிலளிக்க உத்தரவு

திருச்சி மாவட்டம், ஆலந்தூர் பகுதிக்கு உள்பட்ட நீர்நிலையில் சட்ட விரோதமாக நடைபெறும் மண் கொள்ளையைத் தடுக்கக் கோரி வழக்கில், மத்திய அரசின் சுற்றுச்சூழல் துறை, தமிழக அரசின் வருவாய்த் துறை, கனிமவளத் துறை ஆணையர்கள், திருச்சி மாவட்ட ஆட்சியர் ஆகியோர் பதிலளிக்க சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, ஜூன் 25:

காவிரி நீர் ஆதாரத்துக்கான பாதுகாப்புச் சங்கத் தலைவர் சுடலைகண்ணு சென்னை உயர்நீதிமன்ற மதுரை அமர்வில் தாக்கல் செய்த பொதுநல மனு:

எங்கள் அமைப்பின் சார்பில் பொதுமக்களிடையே நீர்வள ஆதாரங்களைப் பாதுகாப்பது, நிலத்தடி நீர் வளத்தை அதிகரிப்பது குறித்து விழிப்புணர்வை ஏற்படுத்தி வருகிறோம்.

திருச்சி மாவட்டம், ஆலந்தூர் பகுதியில் மாவடிகுளம் என்ற பெயரில் நீர்நிலை உள்ளது. மொத்தம் 124 ஏக்கர் பரப்பளவில் அமைந்துள்ள இந்த நீர்நிலை மிகப் பெரிய நீர்த்தேக்கமாகவும், இந்தப் பகுதி பொது மக்களின் வாழ்வாதாரமாகவும் திகழ்கிறது.