கர்நாடக பாஜகவினர் ஒற்றுமையுடன் செயல்பட அமித் ஷா அறிவுரை

'கர்நாடக பாஜக தலைவர்கள் கடந்த கால கருத்து வேறுபாடுகளை மறந்துவிட்டு, ஒற்றுமையுடன் செயல்பட வேண்டும்' என்று கட்சியின் மூத்த தலைவரும், மத்திய உள்துறை அமைச்சருமான அமித் ஷா அறிவுரை வழங்கியுள்ளார்.

- 

பெங்களூரு, ஜூன் 21:

கர்நாடக பாஜகவில் உள்கட்சி வேறுபாடுகளும், கோஷ்டி பூசல்களும் நிலவும் சூழலில், இந்த அறிவுரையை அவர் வழங்கியுள்ளார்.

கர்நாடக மாநிலத்தின் ஆதிசுஞ்சனகிரி பல்கலைக்கழக பெங்களூரு வளாகத்தைத் திறந்துவைப்பதற்காக அமித் ஷா கடந்த வெள்ளிக்கிழமை வருகை தந்தார். அப்போது, கட்சியின் மூத்த தலைவர்கள் அவரை சந்தித்துப் பேசினர். இச்சந்திப்பு தொடர்பாக, கர்நாடக பாஜக தலைவர் பி.ஒய்.விஜயேந்திரா சனிக்கிழமை கூறியதாவது: