இஸ்ரேல் - ஈரான் பதற்றத்தைத் தணிக்க இந்தியா பங்காற்ற முடியும்

இஸ்ரேல் - ஈரான் இடையே ஏற்பட்டுள்ள பதற்றத்தைத் தணிக்க இந்தியா பங்காற்ற முடியும் என்று இந்தியாவுக்கான இஸ்ரேல் தூதர் ரியூவென் அஸார் சனிக்கிழமை தெரிவித்தார்.

- 

புது தில்லி, ஜூன் 14:

ஈரானின் அணுசக்தி கட்டமைப்புகள் மற்றும் ராணுவத் தளங்கள் மீதான இஸ்ரேலின் தாக்குதல் மற்றும் ஈரானின் பதிலடி தாக்குதலால் மேற்காசியாவில் பெரும் பதற்றம் நிலவுகிறது.

இந்தச் சூழலில், இஸ்ரேலின் நடவடிக்கைக்கு சர்வதேச சமூகத்தின் ஆதரவைத் திரட்டும் நோக்கில், பிரதமர் மோடி உள்ளிட்ட பல்வேறு நாடுகளின் தலைவர்களுடன் அந்நாட்டின் பிரதமர் பெஞ்சமின் நெதன்யாகு தொலைபேசி மூலம் வெள்ளிக்கிழமை பேசினார்.

அப்போது, 'மேற்கு ஆசிய பிராந்தியத்தில் அமைதி, நிலைத்தன்மையை விரைந்து மீட்டெடுக்க வேண்டும்' என்று நெதன்யாகுவிடம் வலியுறுத்திய பிரதமர் மோடி, தற்போதைய நிலைமை குறித்து இந்தியாவின் கவலையையும் முன்வைத்தார்.