பாகிஸ்தானுக்கு உளவு பார்த்த மேலும் ஒரு யூடியூபர் கைது

பாகிஸ்தானுக்கு உளவு பார்த்த குற்றச்சாட்டில் கைது செய்யப்பட்ட பெண் யூடியூபர் ஜோதி மல்ஹோத்ராவுடன் நெருங்கிய தொடர்புடைய பஞ்சாப் மாநிலத்தைச் சேர்ந்த மேலும் ஒரு யூடியூபர் அந்த மாநில காவல் துறையால் கைது செய்யப்பட்டார்.

- 

சண்டீகர், ஜூன் 4:

பாகிஸ்தான் உளவாளிகளுடன் தொடர்பில் இருந்த யூடியூபர் ஜஸ்பீர் சிங், கடந்த 5 ஆண்டுகளில் பாகிஸ்தானுக்கு மூன்று முறை பயணித்திருப்பது தெரிய வந்துள்ளது.

‘ஆபரேஷன் சிந்தூர்’ நடவடிக்கையைத் தொடர்ந்து இந்தியாவில் இருந்து பாகிஸ்தானுக்கு உளவு பார்க்கும் உளவாளிகளைக் கண்டறியும் நடவடிக்கைகள் தீவிரப்படுத்தப்பட்டன. அதன் ஒரு பகுதியாக, ‘டிராவல் வித் ஜோ’ என்ற யூடியூப் சேனலை நடத்தி வந்த ஹரியாணா மாநிலம், ஹிசார் மாவட்டத்தைச் சேர்ந்தவர் ஜோதி மல்ஹோத்ரா அண்மையில் கைது செய்யப்பட்டார்.