195 நாட்டுப் பெண்கள் பாடிய கின்னஸ் சாதனைப் பாடல்: இந்திய சமையல் கலைஞர் அஸ்மா கான் குரல்

உலகெங்கிலும் உள்ள 195 நாடுகளைச் சேர்ந்த பெண்கள் பாடியதற்காக கின்னஸ் சாதனை படைத்த '195' பாடலில் இந்தியா சார்பில் பிரபல பெண் சமையல் கலைஞர் அஸ்மா கானின் குரலும் இடம்பெற்றுள்ளது.

- 

புது தில்லி, ஜூன் 2:

பாலின சமத்துவம் மற்றும் மன நல ஆரோக்கியம் குறித்த விழிப்புணர்வை ஏற்படுத்துவதை நோக்கமாகக் கொண்டு, 195 உலக நாடுகளைப் பிரதிநிதித்துவப்படுத்தும் பெண் சாதனையாளர்களின் குரலில் இந்தப் பாடல் உருவாக்கப்பட்டுள்ளது.

அதிக நாட்டினர் குரல்கொடுத்த இசைப் பதிவுக்கான பிரிவில் கின்னஸ் உலக சாதனைப் பட்டியலில் அதிகாரபூர்வமாக இடம்பெற்றுள்ள இந்தப் பாடல், ஸ்விட்சர்லாந்தின் டாவோஸில் கடந்த ஆண்டு ஜனவரியில் நடைபெற்ற உலக பொருளாதார மன்றத்தில் முதன்முதலில் திரையிடப்பட்டது.