ஜேஇஇ பிரதான தேர்வு: தில்லி மண்டலத்தைச் சேர்ந்த ரஜீத் குப்தா முதலிடம்

நாட்டின் உயரிய தொழில்நுட்பக் கல்வி நிறுவனமான ஐஐடி-க்களில் சேர்க்கை பெறுவதற்கான ஒருங்கிணைந்த நுழைவுத் தேர்வின் பிரதான தேர்வு (ஜேஇஇ-அட்வான்ஸ்டு) முடிவுகள் திங்கள்கிழமை அறிவிக்கப்பட்டன.

- 

புது தில்லி, ஜூன் 2:

இதில் தில்லி மண்டலத்தைச் சேர்ந்த ராஜஸ்தான் மாநிலம், கோட்டாவில் வசித்துவரும் ரஜீத் குப்தா முதலிடம் பெற்றார். மொத்த மதிப்பெண்ணான 360-க்கு 332 மதிப்பெண் பெற்று பொது தரவரிசைப் பட்டியலில் (சிஆர்எல்) இவர் முதலிடம் பிடித்தார்.

மாணவிகளைப் பொருத்தவரை ஐஐடி கரக்பூர் மண்டலத்தைச் சேர்ந்த தேவதத்தா மாஜி 312 மதிப்பெண்கள் பெற்று, மாணவிகளின் தரவரிசையில் முதலிடம் பிடித்தார். பொது தரவரிசைப் பட்டியலில் இவர் 16-ஆம் இடம் பிடித்தார்.