எங்கே செல்லும் இந்தப் பாதை?

தமிழகம் முழுவதும் உள்ள அரசுப் பள்ளிகள் கோடை விடுமுறைக்குப் பின்னர் திங்கள்கிழமை (ஜூன் 2) திறக்கப்பட உள்ளன. இந்த மனநிலைக்கு ஆசிரியர்களும், மாணவர்களும் வந்துவிட்டனர்.

- ஆர்.வேல்முருகன்

தமிழகம் முழுவதும் உள்ள அரசுப் பள்ளிகள் கோடை விடுமுறைக்குப் பின்னர் திங்கள்கிழமை (ஜூன் 2) திறக்கப்பட உள்ளன. இந்த மனநிலைக்கு ஆசிரியர்களும், மாணவர்களும் வந்துவிட்டனர். தேர்வுகளில் தேர்ச்சி பெற்றவர்கள் மகிழ்ச்சியாக இருப்பதோடு, தோல்வியடைந்த நண்பர்கள் இல்லாத வருத்தத்திலும் தேர்ச்சி பெற்ற மாணவர்களும் இருப்பார்கள்.

தமிழகக் கல்வி முறை முன்பிருந்ததைப் போல கடினமாக இல்லை என்று கடந்த சில ஆண்டுகளாகவே சொல்லிக் கொண்டிருக்கின்றனர். உண்மையும் அதுதான்.

தமிழகத்தில் மட்டும்தான் தமிழ்மொழியைப் படிக்காமல் தேர்ச்சி பெறாமல் உயர்கல்வி வரை படித்து வேலையும் பெற முடியும் என்ற நிலை உள்ளது. ஆனால், ஒவ்வொரு மாநிலத்திலும்-அண்மையில் தெலங்கானாவில் தெலுங்கு படித்துத் தேர்ச்சி பெறவேண்டும் என்று கட்டாயமாக்கப்பட்டுள்ளது.

இதுவரை போனதெல்லாம் போகட்டும். இனிமேலாவது தொடக்கப் பள்ளிகள், நடுநிலைப் பள்ளிகள், உயர்நிலைப் பள்ளிகளிலாவது பிறமொழிகளைப் படிக்கும் வாய்ப்பை மாணவர்களுக்குக் கொடுக்கலாம்.