ஆக்கிரமிப்பு காஷ்மீர் மக்கள் இந்தியா திரும்பும் நாள் தொலைவில் இல்லை

பாகிஸ்தான் ஆக்கிரமிப்பு காஷ்மீரில் வசிக்கும் மக்கள் இந்தியா திரும்பும் நாள் தொலைவில் இல்லை என்று மத்திய பாதுகாப்புத்துறை அமைச்சர் ராஜ்நாத் சிங் தெரிவித்தார்.

- ராஜ்நாத் சிங்

புது தில்லி, மே 29:

புது தில்லியில் சிஐஐ அமைப்பு சார்பில் வியாழக்கிழமை நடைபெற்ற வர்த்தக உச்சிமாநாட்டில் பங்கேற்று அவர் பேசியதாவது:

பயங்கரவாதம் தொடர்பான தனது உத்தியையும் பதிலடியையும் இந்தியா மறுசீரமைத்துள்ளது. பாகிஸ்தானுடன் இனி நடத்தப்படக்கூடிய பேச்சுவார்த்தை என்பது பயங்கரவாதம் மற்றும் பாகிஸ்தான் ஆக்கிரமிப்பு காஷ்மீர் ஆகியவை தொடர்பாகவே இருக்கும்.

பாதுகாப்புத்துறையில் 'இந்தியாவில் தயாரிப்போம்' திட்ட அமலாக்கமானது நாட்டின் தேசியப் பாதுகாப்பில் முக்கிய அங்கமாகும். 'ஆபரேஷன் சிந்தூர்' நடவடிக்கையின்போது அது முக்கியப் பங்கு வகித்தது.