சிதம்பரம் குருநமச்சிவாயர் மடத்தில் ஆக்கிரமிப்பு வீடுகள் அகற்றம்

சென்னை உயர் நீதிமன்ற உத்தரவின்படி சிதம்பரம் வேங்கான் தெருவில் உள்ள குருநமச்சிவாயர் மடத்தின் வளாகத்தில் உள்ள 9 ஆக்கிரமிப்பு வீடுகளை இந்து சமய அறநிலையத்துறையினர் பலத்த போலீஸ் பாதுகாப்புடன் செவ்வாய்க்கிழமை அகற்றினர்.

- 

சிதம்பரம், மே 27:

குருநமச்சிவாயர் மடத்துக்குச் சொந்தமான இடத்தில் விநாயகர், ஆத்மநாதர், யோகாம்பாள், குருநமச்சிவாயர், மாணிக்கவாசகர் ஆகிய கோயில்கள் உள்ளன. இங்கு திருப்பாற்கடல் தீர்த்தக்குளமும் ஆக்கிரமிப்பிலிருந்து மீட்கப்பட்டு உள்ளது. இந்த இடம் சமயக் குரவர்கள் நால்வரில் ஒருவரான ஸ்ரீமாணிக்கவாசக பெருமான் திருவாசகம் சொல்ல நடராஜப் பெருமான் தன் கைப்பட எழுதிய வரலாற்று சிறப்புமிக்க கோயிலாகும்.