இலங்கையில் சிறைபிடிக்கப்பட்ட தமிழக மீனவர்களை விடுவிக்க மத்திய அரசு முயற்சிக்கும்

தமிழக மீனவர்கள் சர்வதேச கடல் எல்லையைத் தாண்டாமல் இருக்க திட்டங்களை உருவாக்கவும், இலங்கையில் சிறைபிடிக்கப்பட்ட தமிழக மீனவர்களை விடுவிக்கவும் மத்திய அரசு முயற்சிக்கும் என்று தமிழக பாஜக தலைவர் கே.அண்ணாமலை தெரிவித்தார்.

- நமது சிறப்பு நிருபர்

நமது சிறப்பு நிருபர் புது தில்லி, மார்ச் 28:

தமிழகத்தைச் சேர்ந்த மீனவர் சங்கங்கள் மற்றும் மத்திய மீன்வளத் துறை அமைச்சருடனான சந்திப்புக்கு தமிழக பாஜக தலைவர் அண்ணாமலை ஏற்பாடு செய்திருந்தார். தில்லி கிரிஷி பவனில் வெள்ளிக்கிழமை மத்திய மீன்வளத் துறை அமைச்சகத்தில் இந்தக் கூட்டம் நடைபெற்றது.