சுதந்திர தின விழாவில் நலத்திட்ட உதவிகள் வழங்கல்

சுதந்திர தினத்தை யொட்டி அரியலூரில் வெள்ளிக்கிழமை நடைபெற்ற விழாவில் ஆட்சியர் பொ.ரத்தினசாமி தேசியக் கொடியை ஏற்றி வைத்து, 53 பயனாளிகளுக்கு, ரூ.2.63 கோடி மதிப்பிலான நலத்திட்ட உதவிகளை வழங்கினார்.

- 

அரியலூர் / பெரம்பலூர் / கரூர், ஆக.15: சுதந்திர தினத்தை யொட்டி அரியலூரில் வெள்ளிக்கிழமை நடைபெற்ற விழாவில் ஆட்சியர் பொ.ரத்தினசாமி தேசியக் கொடியை ஏற்றி வைத்து, 53 பயனாளிகளுக்கு, ரூ.2.63 கோடி மதிப்பிலான நலத்திட்ட உதவிகளை வழங்கினார்.

மாவட்ட விளையாட்டு மைதானத்தில் நடைபெற்ற விழாவுக்கு அவர் தலைமை வகித்து, தேசியக் கொடியை ஏற்றி வைத்தார். தொடர்ந்து சமாதானப் புறாக்களைப் பறக்கவிட்டு, காவல் துறையினரின் அணிவகுப்பு மரியாதையை ஏற்றுக் கொண்டார். அதனைத் தொடர்ந்து பல்வேறு துறைகளின் சார்பில் 53 பயனாளிகளுக்கு ரூ.2 கோடியே 63 லட்சத்து 69 ஆயிரத்து 733 மதிப்பிலான நலத்திட்ட உதவிகளை வழங்கினார்.

மேலும், அரசின் பல்வேறு துறைகளில் சிறப்பாக பணியாற்றிய 200 அரசு அலுவலர்களுக்கு பாராட்டுச் சான்றிதழ்களையும், குமிழியம் மரங்களின் நண்பர்கள் அமைப்பு மற்றும் பெரியகுறிச்சி அரசு உயர்நிலைப் பள்ளிக்கு, தமிழ்நாடு அரசின் சுற்றுச்சூழல் காலநிலை மாற்றம் மற்றும் வனத்துறை அமைச்சகத்தினால் வழங்கப்படும் பசுமை முதன்மையாளர் விருது மற்றும் தலா ரூ.1 லட்சத்துக்கான காசோலை மற்றும் பாராட்டுச் சான்றிதழையும் வழங்கினார்.