அமெரிக்க மின்சாதன இறக்குமதியில் அதிகரிக்கும் இந்தியாவின் பங்கு

கனடா, சீனா ஆகிய நாடுகளின் பொருள்களுக்கு அமெரிக்கா கூடுதல் இறக்குமதி வரி விதித்துள்ளதால் அந்த நாட்டின் மின் சாதனங்கள், வேளாண் மற்றும் ஜவுளிப் பொருள்களின் இறக்குமதியில் இந்தியாவின் பங்களிப்பு கணிசமாக அதிகரித்துள்ளது.

- 

புது தில்லி, ஜூலை 25:

இது குறித்து அதிகாரிகள் கூறியதாவது: 2025 மே மாதத்தில் அமெரிக்காவின் மின்னணு பொருள்கள் இறக்குமதியில் இந்தியாவின் பங்கு 3.5 சதவீதத்திலிருந்து 7.2 சதவீதமாக உயர்ந்துள்ளது. அதே நேரம் சீனாவின் பங்கு 22 சதவீதத்திலிருந்து 11 சதவீதமாகக் குறைந்துள்ளது. மின்னணு துறையில் இந்தியாவின் வளர்ச்சிக்கு அறிதிறன் பேசிகள் (ஸ்மார்ட்போன்கள்) மற்றும் சூரிய மின்கலங்கள் முக்கிய காரணங்களாக உள்ளன.

2025-26-ஆம் நிதியாண்டின் முதல் காலாண்டில் (ஏப்ரல்-ஜூன்) அமெரிக்காவுக்கு இந்திய மின்னணு பொருள்களின் ஏற்றுமதி 47 சதவீதம் உயர்ந்து 1,241 கோடி டாலராக உள்ளது.