பாகிஸ்தான் ரயில் கடத்தல்: 33 பயங்கரவாதிகள் சுட்டுக் கொலை

பாகிஸ்தானில் பயணிகள் ரயில் கடத்தப்பட்ட சம்பவத்தில் 33 பயங்கரவாதிகளை அந்நாட்டுப் பாதுகாப்புப் படையினர் சுட்டுக் கொன்றனர்.

- 

கராச்சி/இஸ்லாமாபாத், மார்ச் 12:

அதேநேரம், 21 பயணிகள் மற்றும் 4 ராணுவ வீரர்கள் பயங்கரவாதிகளால் கொல்லப்பட்டதாக, பாகிஸ்தான் ராணுவ செய்தித் தொடர்பாளர் அகமது ஷரீஃப் தெரிவித்தார்.

மீட்பு நடவடிக்கை நிறைவடைந்த நிலையில், 300-க்கும் மேற்பட்ட பயணிகள் பாதுகாப்பாக மீட்கப்பட்டனர்.

பாகிஸ்தானின் பலூசிஸ்தான் மாகாணத்தில் உள்ள குவெட்டா நகரில் இருந்து கைபர் பக்துன்குவா மாகாணத்தில் உள்ள பெஷாவர் நகருக்கு சுமார் 400 பயணிகளுடன் 9 பெட்டிகள் கொண்ட ஜாஃபர் விரைவு ரயில் செவ்வாய்க்கிழமை புறப்பட்டது.