கடலை மிட்டாயால் வந்த ஓவன்

அறிவியல் கண்டுபிடிப்பு

- முனைவர் பா.சக்திவேல்

மனிதனின் அத்தியாவசியத் தேவைக்குப் பயன்படும் அறிவியல் கண்டுபிடிப்புகளில் விஞ்ஞானிகளின் கடின உழைப்பும், சில சுவாரசியங்களும் அடங்கியிருக்கின்றன.

வீட்டில் உள்ள சமையல் அறைகளிலும், பேக்கரி உள்ளிட்ட உணவகங்களிலும் சமைப்பதற்கும், சூடு செய்வதற்கும் பயன்படும் ஒரு முக்கியமான நவீன சாதனம் மைக்ரோ வேவ் ஓவன். இது உருவான வரலாற்றில் ஓர் அற்புத நிகழ்வு உள்ளது.

பெர்சி லெபரான் ஸ்பென்சர் என்பவர் ஓர் அமெரிக்க (தாமாகக் கற்றுணர்ந்த) இயற்பியலாளர், மின்னியல் பொறியாளர். இவர் குழந்தையாக இருந்தபோதே தந்தையை இழந்து, தாயாரால் கைவிடப்பட்டு, அத்தையால் வளர்க்கப்பட்டார். இவருக்கு ஏழு வயதிருக்கும்போது அவரது மாமாவும் இறந்தார். பணத்திற்காக வேலைக்குச் செல்லவேண்டிய கட்டாயம் ஏற்பட்டது.