மக்களவையில் அமளிக்கு இடையே 2 முக்கிய மசோதாக்கள் நிறைவேற்றம்

மக்களவையில் எதிர்க்கட்சிகளின் கடும் அமளிக்கு இடையே செவ்வாய்க்கிழமை 2 முக்கிய மசோதாக்கள் நிறைவேற்றப்பட்டன.

- 

புது தில்லி, ஆக. 12:

நடப்பு நாடாளுமன்ற கூட்டத்தொடரில், பிகார் வாக்காளர் பட்டியல் சிறப்பு தீவிர திருத்தம் குறித்து விவாதம் கோரி இரு அவைகளையும் எதிர்க்கட்சிகள் தொடர்ந்து முடக்கி வருகின்றன. இத்திருத்தம் வாபஸ் பெறப்பட வேண்டும் என்பது அவர்களின் முக்கிய கோரிக்கையாக உள்ளது.

மற்றொருபுறம், அமளிக்கு இடையே முக்கிய மசோதாக்களை நிறைவேற்றும் பணியில் மத்திய அரசு ஈடுபட்டுள்ளது. மக்களவையில் செவ்வாய்க்கிழமை எதிர்க்கட்சிகளின் தொடர் முழக்கத்துக்கு மத்தியில், துறைமுகங்கள் தொடர்பான சட்டங்களை ஒருங்கிணைக்கும் மசோதாவை (இந்திய துறைமுகங்கள் சட்ட மசோதா-2025), மத்திய துறைமுகங்கள், கப்பல் போக்குவரத்து மற்றும் நீர்வழித் தடங்கள் துறை அமைச்சர் சர்வானந்த சோனோவால் தாக்கல் செய்தார்.