ஹரியானாவின் ஜஜ்ஜரில் நிலநடுக்கம்; தில்லி-என்சிஆரில் நில அதிர்வை உணர்ந்த மக்கள்!

ஹரியாணாவின் ஜஜ்ஜர் அருகே வியாழக்கிழமை காலையில் 4.4 ரிக்டர் அளவில் நிலநடுக்கம் ஏற்பட்டது.

- நமது நிருபர்

நமது நிருபர் புது தில்லி, ஜூலை 10:

இதன் காரணமாக, தில்லி - என்சிஆரில் நில அதிர்வு உணரப்பட்டது. ஜஜ்ஜருக்கு வடகிழக்கே 3 கி.மீ. தொலைவிலும், தில்லிக்குமேற்கே 51 கி.மீ. தொலைவில், காலை 9.04 மணிக்கு 10 கி.மீ. ஆழத்தில் நிலநடுக்கம் ஏற்பட்டதாக தேசிய நில அதிர்வு ஆய்வு மையம் தெரிவித்துள்ளது.

ஜஜ்ஜர் தவிர, அண்டை மாவட்டமான ரோத்தக் மற்றும் குருகிராம் மாவட்டங்கள், பானிபட், ஹிஸர் மற்றும் மீரட் ஆகிய இடங்களிலும் நிலநடுக்கம் உணரப்பட்டது.