முக்கிய இடங்களின் '3டி' வரைபடத்தை தயாரித்தது என்எஸ்ஜி

நாட்டில் உள்ள அணுமின் நிலையங்கள், வழிபாட்டுத் தலங்கள் உள்பட 50-க்கும் மேற்பட்ட முக்கிய இடங்களின் முப்பரிமாண (3டி) வரைபடத்தை தேசிய பாதுகாப்பு முகமை (என்எஸ்ஜி) தயாரித்துள்ளதாக அந்த அமைப்பின் டிஜி பிருகு ஸ்ரீநிவாசன் தெரிவித்தார்.

- 

புது தில்லி, ஜூன் 10:

புதுதில்லியில் செவ்வாய்க்கிழமை நடைபெற்ற என்எஸ்ஜி அமைப்பின் சர்வதேச மாநாட்டில் பேசிய அவர், 'நாட்டின் முக்கியத்துவம் வாய்ந்த 17 வழிபாட்டுத் தலங்கள், 21 அணுமின் நிலையங்கள் மற்றும் 14 முக்கிய இடங்களை 3டி வரைபடம் செய்துள்ளோம். அவசர காலங்களில் இந்த இடங்களுக்கு வான், நிலம், நீர் வழியாக என்எஸ்ஜி படையினர் உடனடியாக சென்றடையும் வகையில் பயிற்சி அளிக்கப்பட்டுள்ளது.