மதுரை முருக பக்த மாநாட்டின் வெற்றியை திமுகவால் பொறுத்துக்கொள்ள முடியவில்லை

மதுரை முருக பக்தமாநாடு வெற்றிகரமாக நடைபெற்று முடிந்துள்ளதை, திமுக கூட்டணி கட்சிகளால் பொறுத்துக்கொள்ள முடியவில்லை என பாஜக மாநில துணைத் தலைவரும், சேலம் பெருங்கோட்ட பொறுப்பாளருமான கே.பி. ராமலிங்கம் தெரிவித்தார்.

- 

நாமக்கல், ஜூன் 26:

நாமக்கல்லில் அவர் வியாழக்கிழமை செய்தியாளர்களிடம் கூறியதாவது:

மதுரையில் நடைபெற்ற முருக பக்த மாநாடு எந்தவித பிரச்னையும் இன்றி வெற்றிகரமாக நடந்து முடிந்துள்ளதை பொறுத்துக்கொள்ள முடியாமல், சில அரசியல் கட்சிகள் தவறான தகவல்களை பரப்பி வருகின்றன. திமுக ஆட்சியை அகற்ற வேண்டும் என்ற நோக்கில் அமைந்துள்ள அதிமுக - பாஜக கூட்டணியை ஏற்க முடியாமல், பழைய சம்பவங்கள் சிலவற்றை தெரிவித்து பிளவுபடுத்த முயற்சிக்கின்றனர். அவர்களின் எண்ணம் ஒருபோதும் ஈடேறாது.