கலாசாரம் பாதிக்கப்படாமல் நாடு முன்னேற வேண்டும்

நமது கலாசாரம், பாரம்பரியம் பாதிக்கப்படாமல் நாடு முன்னேற வேண்டும் என்று உச்சநீதிமன்றத் தலைமை நீதிபதி பி.ஆர்.கவாய் வலியுறுத்தினார்.

- 

தலைமை நீதிபதி இடாநகர், ஆக.10:

அருணாசல பிரதேச தலைநகர் இடாநகரில் குவாஹாட்டி உயர்நீதிமன்ற அமர்வுக்கான புதிய கட்டடத்தின் திறப்பு விழா ஞாயிற்றுக்கிழமை நடைபெற்றது. ஐந்து நீதிமன்ற அறைகள் மற்றும் நவீன வசதிகளுடன் ரூ.135.35 கோடி செலவில் கட்டப்பட்டுள்ள இந்த புதிய நீதிமன்ற வளாகத்தின் திறப்பு விழாவில் மத்திய அமைச்சர்கள் கிரண் ரிஜிஜு, அர்ஜுன் ராம் மேக்வால், உச்சநீதிமன்ற நீதிபதிகள் உஜ்ஜல் புயான், என்.கோட்டீஸ்வர் சிங், சந்தீப் மேத்தா, விஜய் பிஷ்னோய், மாநில முதல்வர் பெமா காண்டு உள்ளிட்டோர் கலந்துகொண்டனர்.