அரசுத் திட்டங்களில் முதல்வர் படம் பயன்படுத்த தடையில்லை

அரசின் நலத் திட்டங்களில் தற்போதைய முதல்வர், முன்னாள் முதல்வர்களின் பெயர்கள், புகைப்படங்களைப் பயன்படுத்தத் தடையில்லை என்று புதன்கிழமை உத்தரவிட்ட உச்சநீதிமன்றம், இதுதொடர்பாக சென்னை உயர்நீதிமன்றம் விதித்த இடைக்கால தடை உத்தரவை ரத்து செய்தது.

- நமது நிருபர்

நமது நிருபர் புது தில்லி, ஆக.6: அரசின் நலத் திட்டங்களில் தற்போதைய முதல்வர், முன்னாள் முதல்வர்களின் பெயர்கள், புகைப்படங்களைப் பயன்படுத்தத் தடையில்லை என்று புதன்கிழமை உத்தரவிட்ட உச்சநீதிமன்றம், இதுதொடர்பாக சென்னை உயர்நீதிமன்றம் விதித்த இடைக்கால தடை உத்தரவை ரத்து செய்தது.

தமிழக அரசின் திட்டத்துக்கு 'உங்களுடன் ஸ்டாலின்' என பெயர் வைக்கப்பட்டதற்கு எதிராக அதிமுக எம்.பி. சி.வி.சண்முகம் தாக்கல் செய்த மனுவை விசாரித்த சென்னை உயர்நீதிமன்றம் அரசு திட்டங்களில் முதல்வர்களின் படம், பெயர் பயன்படுத்த இடைக்கால தடை விதித்தது.