எம்.பி.க்களிடம் விரைவில் கையொப்பம்: கிரண் ரிஜிஜு

நீதிபதி யஷ்வந்த் வர்மாவை பதவிநீக்கம் செய்வது தொடர்பான தீர்மானத்தை நாடாளுமன்றத்தில் கொண்டு வர எம்.பி.க்களிடம் விரைவில் கையொப்பம் பெறவுள்ளதாக மத்திய சிறுபான்மையின விவகாரங்கள் துறை அமைச்சர் கிரண் ரிஜிஜு வியாழக்கிழமை தெரிவித்தார்.

- 

புது தில்லி, ஜூலை 3:

வீட்டில் கட்டுக்கட்டாக பணம் கண்டெடுக்கப்பட்ட விவகாரத்தில் நீதிபதி யஷ்வந்த் வர்மாவை பதவி நீக்கம் செய்ய முக்கிய எதிர்க்கட்சிகளும் ஆதரவு தெரிவித்துள்ளதால் இந்த நடவடிக்கையை மத்திய அரசு விரைவில் தொடங்கவுள்ளதாகவும் அவர் தெரிவித்தார்.

நாடாளுமன்ற மழைக்கால கூட்டத்தொடர் ஜூலை 21-ஆம் தேதி தொடங்கி ஆக.21-ஆம் தேதி நிறைவடையவுள்ளது. இந்த கூட்டத்தொடரில் நீதிபதி யஷ்வந்த் வர்மாவை பதவிநீக்கம் செய்வதற்கான தீர்மானத்தை மத்திய அரசு கொண்டுவரும் என எதிர்பார்க்கப்படுகிறது.