குழந்தை இறப்பு விகிதம் குறைப்பு: இந்தியாவுக்கு ஐ.நா. பாராட்டு

தடுக்கக்கூடிய குழந்தை இறப்புகளை குறைப்பதில் இந்தியாவின் முயற்சிகள் முன்மாதிரியாக திகழ்வதாகக் கூறி ஐ.நா பாராட்டியுள்ளது.

- 

நியூ யார்க், மார்ச் 27: தடுக்கக்கூடிய குழந்தை இறப்புகளை குறைப்பதில் இந்தியாவின் முயற்சிகள் முன்மாதிரியாக திகழ்வதாகக் கூறி ஐ.நா பாராட்டியுள்ளது.

மேலும், சுகாதார அமைப்பு முறையில் முதலீடுகளைச் செய்து, ஆயுஷ்மான் பாரத் காப்பீட்டு திட்டத்தின்மூலம் லட்சக்கணக்கான இளம் உயிர்களை இந்தியா காப்பாற்றியுள்ளதாகவும் ஐ.நா. சுட்டிக்காட்டியது.

குழந்தை இறப்பு குறித்த மதிப்பீட்டு அறிக்கையை கடந்த செவ்வாய்க்கிழமை ஐ.நா. வெளியிட்டது.

அதில் கூறப்பட்டிருப்பதாவது: தடுக்கக்கூடிய குழந்தை இறப்புகளைக் குறைப்பதில் இந்தியா, நேபாளம், செனகல், கானா மற்றும் புருண்டி ஆகிய 5 நாடுகள் சிறப்பாக செயல்பட்டு வருகின்றன.

அரசியல் ரீதியாக முன்னெடுப்புகள் மேற்கொள்ளப்பட்டால் பல்வேறு சவால்களுக்கு மத்தியிலும் தடுக்கக்கூடிய குழந்தை இறப்புகளை குறைக்க முடியும் என்பதற்கு மேற்கூறிய நாடுகளே சிறந்த உதாரணம்.

இந்தியாவின் சிறந்த முன்னெடுப்புகள்: சுகாதாரத் துறையில் இந்தியா பெரும் முதலீடுகளை செய்து லட்சக்கணக்கான இளம் உயிர்களை காத்துள்ளது.