ராஜஸ்தானில் பேருந்து தீ விபத்து: 8 பேர் உயிரிழப்பு

ராஜஸ்தான் மாநிலத்தில் லாரியும் தனியார் பேருந்தும் மோதிக்கொண்ட விபத்தில் 8 பேர் உயிரிழந்தனர்.

- 

தௌசா மாவட்டம் கோல்வா காவல் நிலைய எல்கைக்குட்பட்ட தனவடா அருகே பேருந்து ஒன்று பயணிகளுடன் புதன்கிழமை காலை சென்றது. ரிஷிகேஷில் இருந்து இந்தூர் நோக்கிச் சென்ற அந்தப் பேருந்து, தில்லி-மும்பை விரைவுச் சாலையில் வந்தபோது திடீரென முந்திச் செல்ல முயன்ற லாரியுடன் மோதியது. இதில் பேருந்தும், லாரியும் தீப்பிடித்து மளமளவென எரிந்தன.

விபத்து குறித்த தகவலின்பேரில், தீயணைப்புப் படையினர், காவல் துறையினர் உள்ளிட்டோர் சம்பவ இடத்துக்கு நேரில் வந்து மீட்புப் பணியில் ஈடுபட்டனர்.