மாநகராட்சிக் குடிநீர் சுத்தமில்லை எனப் புகார்: குழாய்த் தண்ணீரை குடித்த மேயர் பதிலடி!

மத்திய பிரதேச மாநிலம் இந்தூர் மாநகராட்சி மேயர் புஷ்யமித்ர பார்கவ், குழாய் தண்ணீரைக் குடித்து அதன் சுத்தத்தை நிரூபித்த சம்பவம் பரபரப்பை ஏற்படுத்தியுள்ளது.

- 

இந்தூர் மாநகராட்சி சார்பில் வீடுகளுக்கு விநியோகிக்கப்படும் குடிநீரில் 98 சதவீத இடங்களில் கோலிஃபார்ம் உள்ளிட்ட பாக்டீரியாக்கள் இருப்பதாகவும், கால்சியம் கார்போனேட், குளோரைடு, சல்பேட் உள்ளிட்ட வேதிப்பொருள்கள் கலந்திருப்பதாகவும் ஆய்வில் தெரியவந்துள்ளதாக அந்த மாநில காங்கிரஸ் தலைவர் ஜீத்து பட்வாரி குற்றஞ்சாட்டினார். இது மாநகராட்சி குடிநீரைப் பயன்படுத்தி வரும் மக்கள் மத்தியில் பீதியை ஏற்படுத்தியது.