கரூர் சம்பவம்: சிறப்பு விசாரணைக் குழு

ஐஜி அஸ்ரா கர்க் தலைமையில் உயர்நீதிமன்றம் அமைத்தது

- 

கரூர் தவெக பிரசாரக் கூட்டத்தில் ஏற்பட்ட நெரிசலில் சிக்கி 41 பேர் உயிரிழந்த சம்பவம் குறித்து விசாரிக்க வடக்கு மண்டல ஐஜி அஸ்ரா கர்க் தலைமையில் சிறப்பு விசாரணைக் குழுவை நியமித்து சென்னை உயர்நீதிமன்றம் வெள்ளிக்கிழமை உத்தரவிட்டது.

வில்லிவாக்கத்தைச் சேர்ந்த பி.ஹெச். தினேஷ் என்பவர் தாக்கல் செய்த மனுவில், 'கரூர் போன்று மேலும் ஒரு துயரச் சம்பவம் நிகழாமல் தடுக்க அரசியல் கட்சிகளின் சாலை உலா (ரோடு ஷோ) நிகழ்ச்சிகளுக்கு வழிகாட்டு நெறிமுறைகளை வகுக்க தமிழக அரசுக்கு உத்தரவிட வேண்டும்' என்று கோரியிருந்தார்.

இந்த வழக்கு நீதிபதி என்.செந்தில்குமார் முன் வெள்ளிக்கிழமை விசாரணைக்கு வந்தது.