தேவர் ஜெயந்தி, இமானுவேல் சேகரன் குருபூஜைக்கு தடை விதிக்கக் கோரிய வழக்கு தீர்ப்புக்காக ஒத்திவைப்பு

தேவர் ஜெயந்தி, இமானுவேல் சேகரன் குருபூஜை போன்ற விழாக்களுக்குத் தடை விதிக்கக் கோரிய வழக்கை தீர்ப்புக்காக ஒத்திவைத்து, சென்னை உயர்நீதிமன்ற மதுரை அமர்வு செவ்வாய்க்கிழமை உத்தரவிட்டது.

- 

மதுரை, செப். 9:

மதுரை மாவட்டம், திருமங்கலத்தைச் சேர்ந்த சத்தியப்பிரியா சென்னை உயர்நீதிமன்ற மதுரை அமர்வில் தாக்கல் செய்த மனு: தேவர் ஜெயந்தி, இமானுவேல் சேகரன் குருபூஜை, முத்தரையர் திருவிழா, தீரன் சின்னமலை விழா, வீரபாண்டிய கட்டபொம்மன் விழா, மருது பாண்டியர் குருபூஜை, மூக்கையா தேவர் திருவிழா போன்ற விழாக்களை நடத்தத் தடை விதிக்க வேண்டும்.

மேலும், ஏற்கெனவே நடைபெற்ற இந்த விழாக்களில் ஏற்பட்ட மோதல்கள் தொடர்பாக பதிவு செய்யப்பட்ட வழக்குகளின் விவரங்களைத் தாக்கல் செய்ய உத்தரவிட வேண்டும் என அவர் கோரினார்.