துறையூரில் அவசர ஊர்தி, ஊழியர்கள் மீது தாக்குதல்: அதிமுக நிர்வாகி உள்பட 14 பேர் மீது வழக்கு

திருச்சி மாவட்டம், துறையூரில் அதிமுக பொதுச் செயலாளர் எடப்பாடி கே.பழனிசாமி பிரசார கூட்டத்தில் அங்கு வந்த அவசர ஊர்தியை சேதப்படுத்தி அதன் ஊழியர்களைத் தாக்கிய விவகாரத்தில் அந்தக் கட்சியின் நகரச் செயலாளர் அமைதி பாலு உள்பட 14 பேர் மீது வழக்குப் பதிவு செய்யப்பட்டது.

- 

திருச்சி, ஆக. 25:

அதிமுக பொதுச் செயலாளர் எடப்பாடி கே. பழனிசாமி 'மக்களைக் காப்போம் தமிழகத்தை மீட்போம்' என்ற பெயரில் தமிழகம் முழுவதும் பிரசாரம் மேற்கொண்டு வருகிறார். அதன்படி, திருச்சி மாவட்டத்தில் கடந்த மூன்று நாள்களாக பிரசாரம் மேற்கொண்டிருந்தார்.