தெரு நாய்களுக்கு பொது இடங்களில் உணவளிக்கத் தடை

தெரு நாய்களுக்கு தெருக்கள் உள்ளிட்ட பொது இடங்களில் உணவு வழங்கக் கூடாது எனவும், உணவு வழங்குவதற்காக தனியாக இடங்களை ஏற்படுத்த வேண்டும் எனவும் உச்ச நீதிமன்றம் வெள்ளிக்கிழமை தீர்ப்பளித்தது.

- நமது நிருபர்

புது தில்லி, ஆக. 22:

தெரு நாய்களைப் பிடித்து காப்பகங்களில் அடைக்க வேண்டியதில்லை எனவும் உச்சநீதிமன்றம் தீர்ப்பில் குறிப்பிட்டது.

தில்லி, என்சிஆர் பகுதியில் அனைத்து தெரு நாய்களையும் பிடித்து நாய்கள் காப்பகங்களுக்கு இடமாற்றம் செய்ய வேண்டும் என்று இரு நீதிபதிகள் அமர்வு கடந்த ஆகஸ்ட் 11-ஆம் தேதி உத்தரவு பிறப்பித்திருந்த நிலையில், இந்த விவகாரத்தை விசாரித்த மூன்று நீதிபதிகள் அமர்வு மேற்கண்ட உத்தரவைப் பிறப்பித்தது.