கல் குவாரிக்கு தடை கோரி வழக்கு; கரூர் ஆட்சியர் பதிலளிக்க உத்தரவு

விதிகளை மீறிச் செயல்படும் கல் குவாரிக்கு தடை விதிக்கக் கோரிய வழக்கில், கரூர் மாவட்ட ஆட்சியர், கனிம வளத்துறை இயக்குநர் ஆகியோர் பதிலளிக்க சென்னை உயர்நீதிமன்ற மதுரை அமர்வு திங்கள்கிழமை உத்தரவிட்டது.

- 

மதுரை, ஆக. 18:

கரூர் மாவட்டம், ஈசநத்தம் கிராமத்தைச் சேர்ந்த பாலாஜி தாக்கல் செய்த மனு:

அரவக்குறிச்சி வட்டம், ஈசநத்தம், ஆ. கருங்கல்பட்டி, ஆலமரத்துப்பட்டி, மணமேட்டுப்பட்டி ஆகிய கிராமங்களில் சுமார் 500 குடும்பங்கள் வசிக்கின்றனர்.

இந்தப் பகுதியில் வசிக்கும் பெரும்பாலான மக்கள் வேளாண், கால்நடைகள் வளர்ப்புத் தொழிலை மேற்கொண்டு வருகின்றனர். இந்த நிலையில், ஈசநத்தம் கிராமத்தைச் சேர்ந்த ஒருவர், இந்தப் பகுதியில் கல் குவாரிக்கு உரிமம் பெற்றுள்ளார்.