கோயில் நிதியில் திருமண மண்டபம்: சுற்றுலாத் துறை செயலர் பதிலளிக்க உத்தரவு

பழனி தண்டாயுதபாணி கோயில் நிதியில் உத்தமபாளையத்தில் திருமண மண்டபம் கட்டுவது தொடர்பாக தமிழக சுற்றுலாத் துறை முதன்மைச் செயலர் பதிலளிக்க சென்னை உயர்நீதிமன்ற மதுரை அமர்வு செவ்வாய்க்கிழமை உத்தரவிட்டது.

- 

மதுரை, ஆக. 12:

மதுரை மாவட்டம், எழுமலையைச் சேர்ந்த ராம.ரவிக்குமார் சென்னை உயர்நீதிமன்ற மதுரை அமர்வில் தாக்கல் செய்த பொது நல மனு:

கடந்த 2023-24-ஆம் ஆண்டு நிதிநிலை அறிக்கை மீதான விவாதத்தின் போது, இந்து சமய அறநிலையத் துறை அமைச்சர் சேகர் பாபு, கோயில்களின் நிதியில் திருமண மண்டபங்கள் கட்டுவது தொடர்பாக முடிவு செய்யப்பட்டிருப்பதாக அறிவித்தார்.

தொடர்ந்து, 2024-ஆம் ஆண்டு டிசம்பர் 18-ஆம் தேதி அரசாணை பிறப்பிக்கப்பட்டது.