பள்ளி, கல்லூரி மாணவர்களுக்கான கலை, இலக்கியப் போட்டிகள்

சென்னை இராமலிங்கர் பணிமன்றம் சார்பில் பள்ளி, கல்லூரி மாணவர்களுக்கான மாநில அளவிலான கலை, இலக்கியப் போட்டிகள் அறிவிக்கப்பட்டுள்ளன.

- 

சென்னை, ஆக.6:

இதுகுறித்து இராமலிங்கர் பணி மன்றத்தின் செயலர் டாக்டர் எஸ்.வி.சுப்பிரமணியன் வெளியிட்ட செய்திக்குறிப்பு: அருட்செல்வர் பொள்ளாச்சி நா.மகாலிங்கம் நினைவாகவும், சென்னை இராமலிங்கர் பணி மன்றத்தின் 58-ஆவது ஆண்டு விழாவைக் கொண்டாடும் வகையிலும் பள்ளி, கல்லூரி மாணவர்களுக்கு மாநில அளவிலான கலை இலக்கியப் போட்டிகள் நடத்தப்படவுள்ளன.

தமிழகம் மற்றும் புதுச்சேரியில் உள்ள அனைத்து மாவட்டங்களையும் 5 மண்டலங்களாகப் பிரித்து அங்குள்ள கல்வி நிறுவனங்களில் இப்போட்டிகள் நடைபெறவுள்ளன.

கல்லூரி மாணவர்களுக்கு...:

இளநிலை, முதுநிலை படிக்கும் கல்லூரி மாணவ, மாணவிகளுக்கு, வள்ளுவரும் வள்ளலாரும் அல்லது வள்ளுவரும் காந்தியடிகளும் என்ற தலைப்புகளில் ஏதேனும் ஒன்றில் கட்டுரைப் போட்டி நடத்தப்படும். 60 நிமிஷங்களில் 8 பக்கங்களுக்கு மிகாமல் கட்டுரை எழுத வேண்டும்.