மாமன்னர் ராஜேந்திர சோழனின் ஆட்சியும், பெருமையும் நமக்கெல்லாம் பாடம்

அமைச்சர் தங்கம் தென்னரசு பேச்சு

- 

அரியலூர், ஜூலை 23: மாமன்னர் ராஜேந்திர சோழனுடைய ஆட்சியும், பெருமையும் நமக்கெல்லாம் வாழ்க்கைப் பாடமாக இருக்க வேண்டும் என்றார் நிதி, தொல்லியல் துறை அமைச்சர் தங்கம் தென்னரசு.

அரியலூர் மாவட்டம், கங்கைகொண்ட சோழபுரத்தில், தமிழக சுற்றுலாத் துறை, இந்து சமய அறநிலையத் துறை, மாவட்ட நிர்வாகம் சார்பில் மாமன்னர் ராஜேந்திர சோழன் பிறந்த நாளான ஆடித் திருவாதிரை விழா புதன்கிழமை நடைபெற்றது.

விழாவில் அவர் மேலும் பேசியதாவது:

மாமன்னர் ராஜேந்திர சோழ தேவர் என்று அழைக்கக் கூடிய அளவுக்கு மிக அற்புதமான வெற்றியை அத்தனை திசைகளிலும் அவர் பெற்றிருக்கிறார் என்றால், அதனுடைய மைய புள்ளி கங்கைகொண்ட சோழபுரம் என்கின்ற இந்த மகத்தான மண்ணிலே இருக்கிறது.

தமிழருடைய நாகரிகத்தை, பெருமையை தூக்கிப் பிடிக்கக் கூடிய வகையில் மாமன்னர் ராஜேந்திரன் உருவாக்கி தந்திருக்கும் இந்த வெற்றியின் பெருமை உலகமெங்கும் பரவி அவருடைய ஆட்சியும் பெருமையும் நமக்கெல்லாம் வாழ்க்கைப் பாடமாக இருக்க வேண்டும் என்றார் அவர்.