சமோசா உள்ளிட்ட தின்பண்டங்களில் எண்ணெய், சர்க்கரை உள்ளடக்கம் எவ்வளவு?

பொது இடங்களில் காட்சிப்படுத்த அமைச்சகங்களுக்கு அறிவுறுத்தல்

- 

புது தில்லி, ஜூலை 14: சமோசா உள்ளிட்ட இந்திய தின்பண்டங்களில் எண்ணெய், சர்க்கரை உள்ளடக்கம் எவ்வளவு இடம்பெற்றுள்ளன என்பதைக் குறிப்பிடும் வகையிலான அட்டவணைகளை பள்ளிகள், அலுவலகங்கள், பொதுத்துறை நிறுவன வளாகங்கள் மற்றும் பொது இடங்களில் காட்சிப்படுத்த நடவடிக்கை மேற்கொள்ளுமாறு அனைத்து அமைச்சகங்கள் மற்றும் மத்திய அரசுத் துறைகளை மத்திய சுகாதாரத் துறை அமைச்சகம் கேட்டுக்கொண்டது.

உடல் பருமன், தொற்றாத நோய்கள் பாதிப்பிலிருந்து தற்காத்துக் கொண்டு, ஆரோக்கியமான வாழ்க்கை முறையை பொதுமக்களிடையே ஊக்குவிக்கும் நோக்கில் இந்த நடவடிக்கையை மத்திய சுகாதார அமைச்சகம் மேற்கொண்டுள்ளது.

இது தொடர்பாக அனைத்து மத்திய அமைச்சகங்கள் மற்றும் துறைகளுக்கு மத்திய சுகாதாரத் துறைச் செயலர் புண்ய சலிலா ஸ்ரீவாஸ்தவா கடந்த ஜூன் 21-ஆம் தேதி எழுதிய கடிதத்தில் கூறியிருப்பதாவது:

இந்தியாவில் பெரியவர்கள் மற்றும் குழந்தைகளிடையே உடல் பருமன் பாதிப்பு அதிகரித்து வருவது சமீபத்திய ஆய்வுகள் மூலம் தெரிய வந்துள்ளது.