மாவட்ட நீதிபதி விசாரணை அறிக்கை உயர்நீதிமன்றத்தில் இன்று தாக்கல்

மடப்புரம் கோயில் காவலாளி அஜித் குமார் கொலை வழக்கு விசாரணை அறிக்கையை விசாரணை நீதிபதியும், மதுரை மாவட்ட 4-ஆவது கூடுதல் நீதிமன்ற நீதிபதியுமான ஜான் சுந்தர்லால் சுரேஷ் சென்னை உயர்நீதிமன்ற மதுரை அமர்வில் செவ்வாய்க்கிழமை (ஜூலை 8) தாக்கல் செய்கிறார்.

- 

மதுரை/மானாமதுரை, ஜூலை 7:

சிவகங்கை மாவட்டம், திருப்புவனம் அருகேயுள்ள மடப்புரம் பத்ரகாளியம்மன் கோயில் காவலாளி அஜித்குமார், அவரது சகோதரர் நவீன்குமார் ஆகியோரிடம் நகை திருட்டு வழக்கு தொடர்பாக போலீஸார் விசாரணை நடத்தினர். இதன்பின்னர், நவீன்குமார் விடுவிக்கப்பட்டு, அஜித்குமாரிடம் மானாமதுரை டி.எஸ்.பி.யின் தனிப்படை போலீஸார் விசாரணை நடத்தினர். அப்போது, தனிப்படை காவலர்கள் கடுமையாகத் தாக்கியதில் அஜித்குமார் கொல்லப்பட்டார்.