திருப்பரங்குன்றம் கோயிலில் ஜூலை 10-இல் யாக சாலை பூஜைகள் தொடக்கம்

திருப்பரங்குன்றம் சுப்பிரமணிய சுவாமி கோயில் குடமுழுக்கை முன்னிட்டு, வருகிற 10-ஆம் தேதி யாகசாலை பூஜைகள் தொடங்கவுள்ளன.

- 

திருப்பரங்குன்றம், ஜூலை 3:

திருப்பரங்குன்றம் சுப்பிரமணிய சுவாமி கோயில் குடமுழுக்கு வருகிற 14-ஆம் தேதி நடைபெற உள்ளது. இதை யொட்டி, கோயிலில் திருப்பணிகள் தீவிரமாக நடைபெற்று வருகின்றன. வருகிற 10-ஆம் தேதி நடைபெற உள்ள யாகசாலை பூஜைக்கான பூர்வாங்க பூஜைகள் வெள்ளிக்கிழமை மாலை 6.30 மணிக்கு நடைபெறுகிறது.

தொடர்ந்து பல்வேறு பூஜைகள் நடத்தப்பட்டு, வருகிற 10-ஆம் தேதி மாலை 5.30 மணிக்கு முதல் கால யாகசாலை பூஜை தொடங்குகிறது. இதைத்தொடர்ந்து வருகிற 11, 12, 13, 14-ஆம் தேதிகளில் இரண்டாம், மூன்றாம் என 8 கால யாகசாலை பூஜைகள் நடத்தப்பட்டு, 14-ஆம் தேதி காலை 5.30 மணிக்கு குடமுழுக்கு நடைபெறும்.