கண்டதேவி கோயில் விவகார வழக்கு முடித்துவைப்பு

சிவகங்கை மாவட்டம், கண்டதேவி கோயில் திருவிழாவின்போது பாகுபாடு காட்டப்படுவதில்லை என அரசுத் தரப்பில் பதிலளித்ததால், வழக்கை முடித்துவைத்து சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, ஜூலை 2:

கண்டதேவியைச் சேர்ந்த கேசவமணி சென்னை உயர்நீதிமன்ற மதுரை அமர்வில் தாக்கல் செய்த பொது நல மனு:

கண்டதேவியில் அமைந்துள்ள ஸ்ரீ சொர்ணமூர்த்தீஸ்வரர் கோயில் சிவகங்கை தேவஸ்தானம், இந்து சமய அறநிலையத் துறையின் கட்டுப்பாட்டின் கீழ் செயல்படுகிறது.

இந்தக் கோயிலில் நடைபெறும் ஆனித் திருவிழாவின் போது யாருக்கும் முதல் மரியாதை வழங்கக் கூடாது எனவும், அனைத்து சமூக மக்களையும் இணைத்து அவர்களது பங்களிப்புடன் திருவிழா நடத்தப்பட வேண்டும் எனவும் கடந்த 2014-ஆம் ஆண்டு உயர்நீதிமன்றம் உத்தரவிட்டது.

ஆனால், கடந்தாண்டு நடைபெற்ற தேரோட்ட நிகழ்வின் போது, அனைத்து சமூக மக்களுக்கும் தேரின் வடத்தைப் பிடித்து இழுப்பதற்கு அனுமதிச்சீட்டு வழங்கப்பட்டது.