சட்டவிரோத மணல் குவாரி விவகாரம்: சுரங்கத் துறைச் செயலர் பதிலளிக்க உத்தரவு

திண்டுக்கல் மாவட்டத்தில் சட்டவிரோத மணல் குவாரிகள் மீது நடவடிக்கை எடுக்கக் கோரிய வழக்கில் தமிழக அரசின் புவியியல், சுரங்கத் துறை செயலர், ஆணையர், அந்த மாவட்ட ஆட்சியர் ஆகியோர் பதிலளிக்க சென்னை உயர்நீதிமன்ற மதுரை அமர்வு செவ்வாய்க்கிழமை உத்தரவிட்டது.

- 

மதுரை, ஜூலை 1:

திண்டுக்கல் மாவட்டத்தைச் சேர்ந்த ஜெயபால் உயர்நீதிமன்ற மதுரை அமர்வில் தாக்கல் செய்த பொதுநல மனு: திண்டுக்கல் மாவட்டம், பழனி, ஒட்டன்சத்திரம், வேடசந்தூர் உள்ளிட்ட பகுதிகளில் அரசின் முறையான அனுமதி பெறாமல் ஆற்று மணல், கிராவல் மணல் அள்ளப்பட்டு வருகிறது. இதனால், இந்தப் பகுதியின் நிலத்தடி நீர்மட்டம் வெகுவாகக் குறைந்து வருகிறது. மேலும், அரசின் முறையான அனுமதி பெறாமல் சிலர் சட்டவிரோதமாக மணல் திருட்டில் ஈடுபடுவதால் அரசுக்கு பெரும் வருவாய் இழப்பு ஏற்படுகிறது.